Mieliestronk se bekroonde CD-ROM vir Skoolprojekte is nou opgedateer en verskyn as 'n prestige-uitgawe met berge ekstra inligting--maar steeds teen dieselfde prys om ouers in hierdie noustrop-tye tegemoet te kom. Dit bevat die magdom artikels wat oor verskeie jare heen op die internet geplaas is deur dieselfde instansie (Mieliestronk.com) wat in 2004 vir die samestelling van Huisgenoot se gewilde Wonderlike Wêreld-CD-ROM verantwoordelik was. Trouens, die einste Wonderlike Wêreld-CD-ROM is nou feitlik in sy geheel ook in Mieliestronk opgeneem, die inligting bygewerk en vernuwe en van illustrasiemateriaal voorsien. Die materiaal op die Mieliestronk-webtuiste word in die CD-ROM-vorm beskikbaar gestel, omdat die besondere gewildheid van die webwerf duidelik toon dat leerders (en hul ma's!) bitter graag so 'n nuttige pakket wil hê. Dit is immers te alle tye by hul vingerpunte sonder die nodigheid om aan die internet gekoppel te wees--en baie mense het juis nie internet-koppeling tuis nie. Uiteindelik is Mieliestronk 'n moet vir elke leerder en sommer vir almal wat die bekostigbaarste naslaanwerk onder die son wil hê! Die CD-ROM was 'n jaar gelede al 'n winskoop--die nuwe, grootliks bygewerkte uitgawe moet absoluut die pasella-koop van die dekade wees! Nêrens maar nêrens gaan jy vir omtrent R150-00 soveel bywerwetse Afrikaanse inligting kry wat boekdele in ’n gedrukte ensiklopedie sou beslaan het nie.

Inligting en opvoeding