Die riglyne vir laervet-, lae-GI- (Glukemiese Indeks) eetgewoontes in Eet Slim en Bly Slank sal jou help om jou kosdrange te beheer, jou bloedsuikervlakke te stabiliseer, jou metabolisme te verhoog en gewig te verloor – sonder om smaaklike voedsel in te boet.

Dit is eenvoudig so dat daar baie min maniere is om jou ideale gewig te bereik en te behou en as jy ooit gesukkel het om jou gewig te beheer, is dit net die boek vir jou. Dieetkundiges Gabi Steenkamp en Liesbet Delport bespreek die faktore wat gewigstoename beïnvloed, en ook hoe om die faktore te beheer. Die sleutel is om bloedsuiker - en vetvlakke te beheer, en om die metabolisme te versnel deur laevet, lae GI kossoorte te eet sonder om smaaklike kos prys te gee.