Die ontstaan en ontwikkeling van lewe op aarde word boeiend aangebied in Rousseau se lekker leesbare verhaal. Dit ontbloot die dramatiese evolusiegang van die mens. ‘n Eerste in Afrikaans. “Dit is ‘n goeie beginpunt vir die nuuskierige leek. Vir my was die lees ‘n klein avontuur.” – Tobie Wiese, Insig.

In die groot avontuur bied 'n boeiende maar komplekse tema - die ontstaan en ontwikkeling van lewe op aarde - so leesbaar en onderhoudend in verhaalvorm aan dat elkeen dit kan geniet. Soos 'n verhaal wat ontvou, word die dramatiese evolusiegang van die mens ontbloot. Die storie spring weg by die oerknal 14,7 miljard jaar gelede, en eindig met dramatiese klimatologiese veranderinge, wat die skrywer die "oorgangskatastrofe" noem, sowat 11 000 tot 12 000 jaar gelede. Die title is van besondere plaaslike betekenis, want Suid-Afrika was (en is) een van die belangrikste vindplekke van die versteende oorblyfsels van die vroegste mense.