Dié nuwe uitgawe van die Afrikaanse woordelys en spelreëls is 'n volledige herbewerking van die 1991-uitgawe. Teenstrydighede in die vorige AWS is opgeruim, die inhoud meer toeganklik aangebied en die boek aansienlik uitgebrei.

Dié nuwe uitgawe van die Afrikaanse woordelys en spelreëls is 'n volledige herbewerking van die 1991-uitgawe. Teenstrydighede in die vorige AWS is opgeruim, die inhoud meer toeganklik aangebied en die boek aansienlik uitgebrei. 'n Indeks en handige snelsoeksisteem maak naslaan maklik. Die reëls is beter georden, korter geformuleer en makliker verstaanbaar - elk toegelig met voorbeelde. Talle nuwe woorde en meer samestellings en afleidings wat spellingprobleme bied, is opgeneem, en die afkortingslys volledig hersien en bygewerk. Benewens die spelreëls, woordelys en afkortings, is 'n lys Afrikaanse omgangstaalwoorde en -uitdrukkings ingesluit wat lank reeds in informele gesprekke gebruik word, maar waarvan die spelling nog nie vantevore beredl is nie. 'n Lys geografiese name van oor die wêreld is bygevoeg, met hulle byvoeglikenaamwoord- en persoonsnaamafleidings. Hierin kan die gebruiker die korrekte Afrikaanse spelling van plekname naslaan, asook 'n hele aantal afleidings wat nie vantevore in enige ander werk verskyn het nie. Vir die eerste keer bevat die AWS ook 'n Afrikaanse transliterasietabel van die Cyrilliese (Russiese) alfabet. Soos sy voorganger, is die negende, verbeterde en omvattend herbewerkte uitgawe van die AWS 'n noodsaaklike gids vir elkeen wat Afrikaans moet skryf. Vir die opvoeder, leerder, vertaler, taalpraktisyn, dosent, student en briefskrywer is dit 'n onontbeerlike naslaanbron.