Derby is beestongblatjangtoebroodjie langpadreis opsoek na die Gees van Rugby – dis 'n gladde spook van 'n ding, êrens tussen skoolseun en hardebaard Springbok.

Derby is beestongblatjangtoebroodjie langpadreis opsoek na die Gees van Rugby – dis 'n gladde spook van 'n ding, êrens tussen skoolseun en hardebaard Springbok, êrens tussen Strand en Tzaneen, Piketberg en Nelspruit. Jy hoor hom op die pawiljoene, en in 'n geesdriftige breier se stem. Hy's daar tussen die toe en nou. Jy sien hom op die veld, en dan pypkan hy jou. Maar hy's daar in die stories en staaltjies en die gekskeer. Kom, laat ons hom jag!